लो कट to हाय हिल्स

परवा एक जाहिरात पहिली -

‘ Low Cut to High hill ‘
all fashion on your mobile.

हि जाहिरात पहिली आणि वाटलं हे काय चाललंय आमचं ?

गरज आहे संस्कार आणि संस्कृती जपण्याची आणि आमची सिस्टीम तुम्हाला घरपोच देतेय काय तर  फ्याशन ? म्हणजे आपल्याला हवी आहे भाजी पोळी आणि हे देताहेत बर्गर नाही तर चायनीज ?

बरं हि  फ्याशन तरी कशी तर लो कट्स आणि हाय हिल्सची ? म्हणजे काय तर पोरींचे गळे उघडे पडायचे आणि त्यांच्या टाचा उचलून घ्याच्या ? कशासाठी हे सारं ?  फ्याशनच पोहचवायचीय ना तुम्हला नव्या पिढीपर्यंत तर मग नववारीची पोहचवा………काष्ट्याची पोहचवा………रंगीबेरंगी गळून पडणाऱ्या टीचभर टिकल्यान ऐवजी……….कपाळभर कुंकवाची पोहचवा.

पण नाही आम्ही असलं काही नाही भरवणार त्यांच्या मनात. आम्ही त्यांना शिकवणार लो कट्स आणि हाय हिल्सची सौंदर्याला बेताल करणारी  फ्याशन. त्याशिवाय का आमच्या संस्कृतीचे तीन तेरा आणि नऊ बारा वाजणार ?

स्त्री मुक्तीचा दंडोरा पिटणाऱ्या कित्येकांना माझा हा लेख मोडीत काढावासा वाटेल. पण मी काही स्त्रियांच्या स्वातंत्र्यावर गदा आणणारा सनातनवादी नाही किंवा स्त्रियांनी बुर्ख्यातच वावरायला हवं या कुणा मौलवीच्या फतव्याचा समर्थकही नाही.

स्त्री हि सुंदर दिसावीच. तिच्याकडं पाहिल्यानंतर कुणाही डोळ्यांला सुख लाभावच. याच मताचा मी आहे. पण स्त्रीच्या फ्याशनमुळं एखाद्यातला पशु जागा होणार असेल तर त्या फ्याशनचा काय उपयोग ?

नाही, मी  फ्याशनच्या विरोधात नाही. स्त्रीनं सजाव – धजाव,  सुंदर दिसावं पण…………!!!!!!

निळ्याभोर तलावातल्या चंद्रच प्रतिबिंब पहाण्यात जी मजा आहे ती डबक्यातल्या चंद्रच प्रतिबिंब पहाण्यात नाही हे ज्याचा त्याला कळायला हवं.

बरं !!!!!!!!! हया  फ्याशन कधीही मुलांसाठी नसतात बरं का ? आणि असाव्यात तरी का ? मुलांनी अशी लो कट फ्याशन केली तरी सौंदर्याचा कुठला गाभा दिसणार आहे ? high heels घातले तरी कुठले उभार नजरेत भरणार आहेत ?

आरे, मनाचे श्लोक का नाही धाडत आम्ही नव्या नव्या पिढीच्या मोबाईलवर ? फ्याशन व्यतिरिक्त आणखीही बऱ्याच गोष्टी आहेत ना तरुणांपर्यंत पोहचायला. कुठली पुस्तक वाचायला हवीत ते पोहचवा, नव्या शोधांविषयी माहिती द्या, तरुणांनी कोणत्या प्रकारचं सामाजिक काम करण्याची गरज आहे ते त्यांना सांगा. आमच्या संस्कृतीला आणि संस्काराला सुरंग लावणारी एकही गोष्ट त्यांच्यापर्यंत पोहचू देऊ नका.

अस झाल तर आमच्या संस्कृतीचा………संस्काराचा आणि आमच्या तरुणाईचा ऱ्हास कधीच होणार नाही.